Sino nga ba naman sa atin ang hindi matatakot sa isang haunted house? Alam naman natin na ang haunted house ay isang lugar na tila pinanatil...
Sino nga ba naman sa atin ang hindi matatakot sa isang haunted house? Alam naman natin na ang haunted house ay isang lugar na tila pinanatilihan na ng mga multo na maaaring dating namamalagi sa lugar o di kaya naman ang mga spirits na mayroong koneksyon sa lugar.
Ngunit, makakaya mo bang pumasok sa isang haunted house na sinasabi ng marami na punong puno ng multo at mga espiritu? Katulad na lamang ng isang lalaki na ito na walang takot na pumasok sa isang haunted house sa Saudi Arabia.
Kamakailan lamang, naging usap-usapan at kumalat sa iba't ibang socmed platform ang video ng isang Muslim Paranormal Expert na walang takot na pinasok ang isang haunted house sa Saudi Arabia.
Ang nasabing video ay ibinahagi ng netizen na si Jeremy Pandapatan Solaiman sa kaniyang Facebook account. Sa video, makikita na talagang idinokumento pa ng nasabing paranormal expert ang pagpunta niya sa bawat bahagi ng bahay.
Maririnig din na kaniyang binibigkas ang mga katagang nakasulat sa Banal na Quran na tila pinapalayas at tinataboy niya ang mga espiritu at elemento sa naturang bahay.
Saad ni Jeremy sa caption ng kaniyang post,
"isang Muslim Paranormal Expert ang Walang takot na pinasok ang isang Haunted House sa Saudi Arabia. Subrang nakakatakot ang nasaksihan nyo doon. Panoorin. Ang mga katagang Binigkas nya ay nakasulat sa Banal n Quran. Eto ay pamprotekta s mga msasamang Elemento."
Marami naman sa ating mga netizens ang namangha sa tibay ng loob at tapang na ipinamalas ng paranormal expert. Samantala, marami din sa mga netizens ang nakaramdam ng takot sa nasabing video dahil sa kapansin-pansin na sobrang creepy ng lugar.
Ang iba namang netizens ay ni-tag pa ang kanilang mga mahal sa buhay at mga kaibigan para mapanood din ng mga ito ang video.
Gayunpaman, may ilan namang netizens ang hindi naniniwala na totoo ang video at maaaring gawa gawa lamang, ngunit marami pa din ang naniniwala sa video dahil nga sa mga pangyayari doon.
Sa ngayon, umabot na sa 1.3 milyon na views ang nasabing video at umani ng mahigit 32,000 reactions, 31,000 comments, at 93,700 shares.
Panoorin ang kabuuang video sa ibaba:
COMMENTS