Ang aktres na si Arci Munoz ang pinakabagong personalidad na sumabak sa basic citizen military training upang makapasok sa Philippine milita...
Ang aktres na si Arci Munoz ang pinakabagong personalidad na sumabak sa basic citizen military training upang makapasok sa Philippine military reserve force.
Ibinahagi ni Arci ang kaniyang bagong ginagawa noong Biyernes habang pinagdiriwang ang Araw ng Kalayaan.
Sa kaniyang IG post, binunyag ng actress na siya ay kasalukuyan ng sumasabak sa military training para maging opisyal na miyembro ng reserve force.
Ani Arci sa kaniyang IG post,
"Maligayang Araw ng Kasarinlan mahal kong Pilipinas! Ngayon araw din ang aking unang pisikal na pagsasanay bilang kaunaunahang Babae sa aking henerasyon at propesyon na sumasailalim sa #PhilippineAirForce reservist BMCT-Basic Citizen Military Training."
Hinikayat din ng actress at rockstar ang kapwa niya mga kababaihan na magpa-enlist din.
"Marami pong salamat sa aking Philippine Air Force family. Asahan nyo po ang aking buong pusong dedikasyon at serbisyo."
Ang post naman na ito ni Arci ay kaagad na umani ng iba't ibang reaksyon mula sa mga netizens.
Narito ang ilan sa kanilang komento:
"Ito talaga ang idol ko! Ms. Arci nakikita ko ang sarili ko sayo!"
"Kaya love tlga kita..a brave woman indeed."
"Omg! Srsly?!?! Welcome to PAF!! The officer teaching you is one of our commanders here. Hope to see you around!"
Maliban kay Arci, mayroon pang ilang mga personalidad ang nag-signed up para maging parte ng military reserve force ng bansa kagaya nina JM de Guzman, Kiko Estrada, Matteo Guidicelli, Jerome Ponce, Elmo Magalona, Gerald Anderson, Nash Aguas, and Yves Flores.
Si Arci Munoz o Ramona Cecilia Datuin Munoz sa totoong buhay ay nagsimula ang kaniyang karera sa showbiz industry nang siya ay sumali sa reality show ng Kapuso network na Starstruck.
Magmula noon, kaliwa't kanang mga proyekto ang natanggap ni Arci at isa na nga siya ngayon sa pinaka successful na artista sa industriya ng showbiz.
COMMENTS