Sinong makapagsasabi na walang isip at damdamin ang mga hayop? Bagaman ang mga hayop ay hindi nakapagsasalita sa wika ng mga tao, sila pa ri...
Sinong makapagsasabi na walang isip at damdamin ang mga hayop? Bagaman ang mga hayop ay hindi nakapagsasalita sa wika ng mga tao, sila pa rin ay may damdamin, may isip at nagmamahal din.
Iyan ang pinatunayan ng isang penguin. Kakatwa namang isipin dahil hindi ito pangkaraniwan. Kasi naman, madalas na aso at pusa ang paboritong alagang hayop at madalas na napapansin. Pero hindi ganiyan ang kaso sa penguin na ito.
Taong 2011 nang magtagpo ang penguin at ang lalaking si Joao Pereira de Souza na edad 73 na ngayon.
Ayon sa post ng Goodtimes, nakita ni Joao na nagkikipaglaban para mabuhay ang naturang penguin sa dagat. Nababalutan ito ng makapal at kulay itim na langis.
Dahil dito, naawa si Joao at iniligtas ang penguin. Iniuwi niya ito at nilinisan. Inalagaan niya rin ito hanggang sa gumaling.
Di nagtagal at naging malakas na muli ang penguin kaya naman muli siyang ibinalik ni Joao sa dagat.
Gayunpaman, ang pagliligtas na ginawa palang ito ni Joao sa penguin ay hudyat ng isang panghabam-buhay na pagkakaibigan.
Makalipas ang isang taon, bumalik ang penguin para bisitahin si Joao. Bumalik pa nga ito sa mismong tahanan niya.
Simula noon, naglalakbay taun taon ang penguin na ito nang halos 8,047 kilometro para makitang muli si Joao, ang kaniyang tagapagligtas.
Napamahal na din naman kay Joao ang penguin na ito anupat pinangalanan niya itong "Dindim".
Kada taon, nananatili si Dindim ng 8 buwan sa piling ng matandang si Joao. Makalipas nito, kailangan na muling maglakbay ni Dindim patungong Argentina at Chile para sa breeding season.
Parang fairytale, pero ay relasyong ito sa pagitan ng isang hayop-dagat at tao ay totoong pangayayari gaya ng makikitang sa larawang ibinahagi ng Goodtimes.
Talaga nga naman na napakainam ng mundo kapag naging payapa na ang lagay sa pagitan ng mga tao at hayop. Nawa nga na ang bawat isa sa atin ay maging mapagmahal sa mga hayop at mamuhay ng payapa kasama sila.
COMMENTS