Tila ang caller ay tila hindi naniwala na ang beteranong host mismo ang kaniyang kausap kahit pa man nagpapakilala na ang host.
Noong Biyernes lamang, Mayo 15, 2020, ipinamigay ng beteranong host na si Willie Revillame ang Php10,000 mula sa isang online shopping na Shopee.
Sa naging live ng host sa GMA Network para sa kaniyang segment na 'Tutok To Win', agad agad niyang tinawagan ang ilang tao na maswerteng napili na mabigyan ng Php10,000.
Makikita sa live video na binibiro biro pa ni Willie ang una niyang natawagan na residente mula sa Sorsogon na si Mary Joy Asusana. Matapos ibahagi ang magandang balita, kinamusta din ni Willie kung kamusta na ang kalagayan ng kanilang lugar dahil nga sa paparating na bagyo na si Bagyong Ambo.
Kaagad din pinutol ni Willie ang tawag at tinawagan naman ang susunod na nanalo.
Para sa susunod naman na tinawagan ni Willie na si Bryan Castaneda mula sa Bacolod, sinambit kaagad ng host ang magandang balita na ang huli ay makakatanggap ng Php10,00 na handog ng Shopee.
Ngunit, tila ang caller ay tila hindi naniwala na ang beteranong host mismo ang kaniyang kausap kahit pa man nagpapakilala na ang host. Makalipas ang ilang segundo, pinatay naman ni Bryan ang tawag.
Muli naman siyang tinawagan ni Willie para sa pangalawang pagkakataon, ngunit hindi na din sinagot ni Bryan dahil siguro sa pag-aakala na scam lamang ang tawag na natanggap. Ngunit, kahit pa man hindi na sinagot nito ang ikawalang tawag, ibinigay pa din ni Willie dito ang Php10,000 na regalo mula sa Shopee.
Sunod namang 'Wowowin' host ay si Jocelyn mula sa Camarines Sur upang ibahagi din ang magandang balita na makakatanggap ito ng Php10,000.
Lubos naman ang pasasalamat nito para sa handog na ito ng Shopee dahil aniya ay malaking tulong na ito para sa kanilang pamilya, lalo na ngayon na mayroong krisis na kinakaharap ang bansa.
Saad ni Willie, minamadali nila ang pagtawag sa mga maswerteng napili nang sa gayon ay mas marami pa silang matawagan na tao at makapagbigay din ng Php10,000 na tulong mula sa mga ito.
COMMENTS