Marami sa ating mga netizens ang hindi mapigilan magtaka kung magkano nga ba ang kinikita ni Ivana sa bawat video clips na kaniyang inu-upload sa YouTube.
Isa si Ivana Alawi sa mga celebrities na hinahangaan ngayon ng marami. Hindi maitatanggi na sa tuwing mayroon itong bagong videos na inu-upload sa kaniyang YouTube account, marami kaagad sa ating mga netizens ang nakakapansin at pinapanood ito.
Bukod kasi sa angking ganda ng actress, makikita din sa kaniyang mga videos kung gaano kabuti at ka-bubbly ang personalidad nito.
Dalawang taon pa lamang nga ang nakakalipas simula nang magkaroon ng channel ang actress ay mayroon na kaagad itong mahigit na 6M subscribers. Hindi lingid sa kaalaman ng karamihan sa atin kung gaano kalaking pera ang kinikita ng mga kilalang vloggers sa nasabing video-sharing site.
Kaya naman marami sa ating mga netizens ang hindi mapigilan magtaka kung magkano nga ba ang kinikita ni Ivana sa bawat video clips na kaniyang inu-upload sa YouTube.
Ilan pa sa ating mga netizens ang nagsasabi na maaaring kumikita si Ivana ng mahigit kumulang isang milyong piso kada araw dahil na din sa dami ng kaniyang mga subscribers at nanonood ng kaniyang mga videos.
Ngunit, ang mga haka haka na ito ay nilinaw ng actress sa kaniyang nagdaang video. Ayon kay Ivana, kumikita talaga siya sa bawat video niya online, ngunit walang katotohanan na umabot na ito sa isang milyong piso kada araw.
“Ang kinikita ko lang 6 digits. Hindi yun totoo parang kumikita ka ng 1 million per day,” aniya.
Samantala, nilinaw din ng kapatid ni Ivana na si Mona na hindi totoo ang sinasabi ng ilan na sa tuwing mayroong isang milyong views ang isang videos, ibig sabihin ay ganoon na din kalaking pera ang kikitain mo. Saad din niya, nakabase pa din ito sa bawat ad na nakapaloob sa videos at kung gaano ito katagal pinapanood ng mga tao.
“Hindi naman totoo ung sinasabi nila na every 1 million views, kikita ka ng this amount.”
“Hindi sya ganoon. Per ad siya, kung gaano katagal pinapanood ng tao, alin yung ad, kung magcli-click”
Saad naman ni Ivana, kahit pa man medyo malaki ang pera na kinikita niya bilang isang vlogger, mas pinili pa din niyang hindi gastusin ito.
Sa katunayan nga niyan, halos wala pa siyang nagagalaw sa kita niya sa YouTube dahil iniipon niya ito upang mabili ang bahay na pangarap ng kaniyang ina.
“Hindi ko yun nagagastos kahit piso kasi pambili ko yun ng bahay ni Mama.”
COMMENTS