Kwento ng actress, hindi siya nakatulong noon sa pagpapagamot ng mata ng kaniyang ama hanggang sa mabulag na ito.
Si Angel Locsin ay isa sa mga pinakamatagumpay at tanyag na actress sa industriya ng showbiz magpa hanggang ngayon. Nagsimula ang karera ni Angel sa showbiz nang siya ay gumanap bilang 'Alwina' sa hit series ng GMA Network noon na 'Mulawin'.
Siya naman ay mas nakilala pa sa mundo ng showbiz matapos niyang ganapan ang pagiging Filipino Superhero na Darna. Dahil dito, mas lalong dumami ang humanga sa actress, lalo na sa pinakita niyang galing sa pag-arte.
Si Angel ay lumipat naman sa ABS-CBN Network noong 2007 kung saan maraming mga proyekto, shows at marami pang iba ang dumating sa kaniya.
Ilan ding teleserye at pelikula ang ginanapan ni Angel na talaga namang pumatok sa masa, katulad na lamang ng La Luna Sangre at The Legal Wife. Matapos ang teleseryeng ito, pinili ng actress na magpahinga muna pansamantala. Makalipas ang ilang buwang pamamahinga, sumabak naman muli si Angel sa isang action drama ng ABS-CBN na 'The General's Daughter'.
Sa kaniyang naging panayam kamakailan sa 'Magandang Buhay' kamakailan lamang, ibinahagi ni Angel kung ano na ang kaniyang buhay ngayon.
Kwento ng actress, nakabili na siya ng isang beach resort sa Zambales ito ay para din sa kaniyang ama na 93-anyos na dahil kailangan daw nitong makapagpahinga ng maayos at makalanghap ng sariwang hangin.
Saad pa ng actress, talagang adventure at nakaka-enjoy ang pagpunta doon.
"Actually, almost. Meron pa akong isang buwan na hulog. Akala ko kasi hindi ko matatapos. Si daddy kasi may gusto tapos parang pakiramdam ko noon, alanganin," sabi ng aktres.
"Walang kuryente. Kailangan mo magbangka papunta doon. Nature talaga, parang camping. Masarap mag-isip and kung gusto niyo ng bonding."
Ayon kay Angel, ginagawa at binibigay niya lahat ng makapagpapaligaya sa kaniyang ama dahil nais niyang ibalik sa kaniyang ama lahat ng sakripisyo at hirap na ginawa nito upang mapalaki sila ng maayos at mabigyan ng magandang buhay at kinabukasan.
"Kasi binigay nya sa akin ang lahat, kahit hindi namin kaya noon...tinry (sinubukan) nya yung best nya na gawing happy ang childhood ko in his own way. So bilang anak, kung ano and kaya kong ibigay, e-provide, eh di yun"
Kilala din si Angel dahil sa kabutihang puso na mayroon siya na palaging nagbibigay sa mga taong nangangailangan, ngunit, lingid sa kaalaman nating lahat, mayroon palang malungkot na nakaraan si Angel kung saan hindi niya noon natulungan ang pinakamamahal na ama.
Kwento ng actress, hindi siya nakatulong noon sa pagpapagamot ng mata ng kaniyang ama hanggang sa mabulag na ito.
Ani ng actress, wala silang sapat na pera noon at wala pa siyang ipon noon dahil pasimula pa lamang ang karera niya sa showbiz kaya naman hindi na naisagawa ang pagpapagamot sa mata ng kaniyang ama.
"Hindi ko kasi napagamot yung mga mata ni daddy. Yun yung reason ko noon bakit ako nag-stay sa showbiz.
"Na-late ako ng ipon hanggang sa hindi ko napagamot si daddy."
COMMENTS