Noong 2011 nang magpakasal si Roxxane sa kaniyang boyfriend na si Angelo Elton Yap.
Maraming sikat na mga celebrities ang nananatili sa kanilang karera bilang kanilang passion at syempre ay source of income. May ilan naman na kahit nawala na sa mundong ito at nalaos na ay patuloy pa rin na nangangarap na muling makabalik at muling sumikat.
Mayroon namang piniling iwan ang magulong mundong ito at mamuhay ng tahimik at malayo sa kontrobersiya. Isa sa mga sikat na celebrities na iyan ay si Roxanne Guinoo.
Taong 2004 ng makilala sa showbiz ang pangalang Roxanne Guinoo.
Sumali siya noon sa sa ABS-CBN talent search program na Star Circle Teen Quest. Naging mahusay sa kaniyang pag-arte si Roxxane anupat nasama siya sa Magic Circle of 5 kasama sina Sandara Park, Hero Angeles, Melissa Ricks at ang kaniyang naging love team na si Joross Gamboa. Sila ang naging sikat na tamblaang JOROXX.
Naging totohanan naman ang pag-iibigan nila Roxanne at Joross anupat naging magkasintahan taong 2004 hanggang 2006.
Hindi naman dito nagtapos ang buhay pag-ibig ni Roxanne dahil taong 2007 naman ng mapabalita ang namumuong relasyon sa pagitan nila ni Jake Cuenca na kaniyang naging ka love team sa "Sineserye Presents : Natutulog ba ang Diyos?". Nang maglaon ay naghiwalay din naman ang dalawa.
Bagaman naging bigo sa pag-ibig, nanatiling propesyunal si Roxanne at nakatanggap ng iba ang mga proyekto sa TV at pelikula. Nakatambal pa rin niya sina Joross Gamboa at Jale Cuenca sa ilan sa mga ito.
Noong 2011 naman nang magpakasal si Roxxane sa kaniyang boyfriend na si Angelo Elton Yap. Dahil dito, iniwan niya ang mundo ng showbiz.
Marami ang naghinayang sa ginawa ni Roxanne dahil kasalukuyang mabango ang kaniyang karera sa mundo ng showbiz.
Hindi naman mababakas ang pagsisisi kay Roxanne. Sa ngayon, masaya siyang namumuhay kasama ang kaniyang asawa at tatlong mga anak.
COMMENTS