Nagsimulang sumikat si Buboy matapos niyang gumanap sa biopic movie na pinamagatang 'Kid Kulafu' bilang Manny Pacquiao.
Talaga nga namang may mga bagay na maaaring mabago paglipas ng panahon, lalo na sa mga personalidad na nasa industriya ng showbiz.
Maaaring ang ilan ay mas piniling manatili sa mundo ng showbiz at ipagpatuloy ang kanilang nasimulan habang ang ilan namang mga personalidad ay pinili na lamang lumayo sa limelight at iprayoridad ang kanilang buhay pag-ibig o ang pagbuo ng kanilang sariling pamilya.
Katulad na lamang ng actor na si Buboy Villar. Nagsimulang sumikat si Buboy matapos niyang gumanap sa biopic movie na pinamagatang 'Kid Kulafu' bilang Manny Pacquiao.
Maliban pa dito, lumabas rin siya sa ilang mga sikat na pelikula at nakasama ang ilan sa mga bigating pangalan sa showbiz industry.
Ilan lamang sa mga pelikula at teleserye na kaniyang ginanapan ay ang Dyesebel noong 2008, Darna, Shake, Rattle and Roll X, Zaido: Pulis Pangkalawakan, Supahpapalicious, Panday Kids, at ang Panday.
Matapos nito, naging laman din si Buboy ng socmed nang naibalita na nagsasama na ito kasama ang kaniyang American parter ngayon na si Angillyn Gorens noong taong 2016.
Muli namang naging laman ng socmed si Bubo nang ianunsyo nila sa publiko na sila ay mayroon ng baby girl na pinangalanan naman nila na Vlanz Karollyn.
Ani Buboy,
"Kahit ilang araw na akong puyat bastat nandyan ako palagi sa tabi nyo nang mama mo baby sobrang thank you po lord sa new chapter nang aming buhay maraming salamat sa blessing po at sa mga nag pray."
Samantala, nabinyagan na rin ang anak nila noong nakaraang taon lamang.
Ibinahagi naman ni Angillyn ang larawan nilang pamilya habang binibinyagan ang kanilang baby. Aniya,
"Welcome to the Christian world, anak! We love you! This dress is 32 years old. Made by my grandma 'Gloria' worn by my oldest sister 'Cherillyn' now worn by her great-granddaughter 'Vlanz Karollyn' still keeping the dress."
Para naman sa mga netizens na nababahala para sa magiging hinaharap ni Buboy at ng pamilya nito, sinigurado naman ni Buboy sa kanila na mayroon silang plano na mag-asawa. Sa katunayan nga ay magtatayo sila ng negosyo na bakery.
Ani Buboy,
"Planado na po lahat ng magiging buhay namin. May sarili na kaming bahay at may negosyo kaming sisimulan next year na isang bakery. Kaya wala kaming dapat na pagsisihan na hindi namin na-enjoy ang pagiging teenager namin."
COMMENTS