Ang maiksing video clip naman ay ibinahagi ni DJ Chacha sa kaniyang socmedia accounts.
Nagbigay aliw sa ating mga netizens kamakailan lamang ang isang batang lalaki na bigla na lamang sumulpot sa tabi ng kaniyang ama habang ito ay nagbibigay ng ulat tungkol sa ilang kinakaharap ng ating bansa ngayon sa kanilang bahay.
Ang maiksing video clip naman ay ibinahagi ni DJ Chacha sa kaniyang socmedia accounts. Kaagad naman itong naging viral sa socmed at nagbigay ng saya at tuwa sa ating mga netizens.
Sa naturang video clip, makikita na tinatanong ng news anchor na si Ted Failon ang DZMM Teleradyo reporter na si Johnson Manabat tungkol sa ilang mga bagay at tungkol na din sa pagtatrabaho nito habang siya ay nasa bahay.
Makalipas ang ilang segundo, bigla namang sumulpot ang isang batang lalaki sa likod ni Manabat. Bumati pa ang bata at ngumiti sa harap ng camera.
Samantala, nagulat si Ted dahil sa biglang pagsulpot ng bata sa likod ni Manabat kaya naman tinanong niya ang reporter kung sino ang bata.
Sinabi naman ni Manabat na ang batang iyon ay ang kaniyang anak habang natatawa tawa pa dahil maging siya ay nagulat sa biglang pagsulpot ng kaniyang anak. Aniya, “Anak ko ‘yan.”
Matapos nito, makikita naman na umalis na din ang bata sa harap ng camera.
Ang cute TV blooper naman ng batang ito ay nagbigay ng aliw sa ating mga netizens dahil kumakaway kaway pa at bumabati sa harap ng camera habang ang ama ay kasalukuyang nag-uulat.
Ani DJ Chacha sa caption ng kaniyang video:
“BBC Moment ni @JohnsonManabat kanina sa DZMM. Buti na lang hindi pa naglalakad si Lexi #WorkFromHome.”
Kung ating matatandaan, ang BBC moment ay tungkol sa isang video clip na kumakalat din sa social media kung saan ang anak ng isang South Korea-based professor ay bigla din sumulpot sa harap ng camera habang ang kaniyang ama ay kasalukuyang naka-live interview sa BBC News.
COMMENTS