Sunshine Cruz, Hindi Napigilan Ang Emosyon Sa Pagbahagi Ng Pinagdaanang Hirap Sa Pagpapalaki Ng Mga Anak

Sunshine Cruz ibahagi kung ano ang mga pagsubok na kaniyang pinagdaanan habang pinapalaki ang mga anak.

Kamakailan lamang, naging usap-usapan sa socmed ang actress na si Sunshine Cruz matapos nitong ibahagi ang kwento ng kaniyang mga anak na sina Angelina, Samantha, at Chesca,at kung ano ang mga pagsubok na kaniyang pinagdaanan habang pinapalaki ang mga anak.

Sa IG account ng actress, ibinahagi niya ang throwback picture nilang mag-iina. Ito ay kuha pa labing tatlong taon na rin ang nakakalipas.

Ayon sa actress, 29-anyos pa lamang siya noon sa larawan habang ang tatlong anak naman niya na kasama niya sa larawan ay mga bata pa lamang.

Sa magkaparehong post, makikita naman na ibinahagi rin ni Sunshine ang pinakabagong larawan nilang mag-iina sa ngayon na tila malaki na talaga ang pinagkaiba ng buhay nila ngayon kumpara sa dati.

Ang tatlong anak ni Sunshine ay lumaki na at mas lalo pang naging maganda at maging si Sunshine ay nag-iba rin ang kaniyang postura at hitsura.

Saad naman sa caption ng larawan na ibinahagi ng actress,

"A bit emotional now.

"First photo was taken 13 years ago, I was 29 years old here.

"Haggardo! At mas malaki pa ang braso ng mga anak ko sa braso ko. Everytime I see photos of myself from the past, napapangiti at nagiging emotional ako. Sobra-sobra ang pasasalamat ko sa Panginoon dahil ang layo na pala talaga ng narating namin ng mga anak ko.

"Nabigyan ako ng pangalawang pagkakataon na mabuhay ng mas maayos, mas masaya at naging mas matatag ako. Even my children became more confident and I can say they are also tough girls! They are just like their mom, marunong lumaban kung kinakailangan at marunong magpasalamat sa biyaya, maliit man o malaki.

"Family and friends, it is never too late to have a second chance in life. Kung nagawa ko, kaya nyo din. It is never too late to make things right and to be better versions of ourselves. Samahan nyo ng maraming dasal dahil hindi talaga natutulog ang Diyos ."

Ang action star naman na si Cesar Montano ang ama ng tatlong magkakapatid na sina Angelina, Samantha, at Chesca.

Ngunit, taong 2018, pinili naman ni Cesar at Sunshine na maghiwalay matapos ang 18 na taon nilang pagsasama. Sa taong ding iyon, napawalang bisa din ang kasal ng dating celebrity couple.