Ano Na Nga Ba Ang Buhay Ngayon Ng Dating Child Star Na Si Agatha Tapan

Nasaan na nga ba si Agatha matapos ang ilang taon?

Marami ang nagtaka sa biglang pagkawala ng sikat na batang 90s na si Agatha Tapan sa mundo ng showbiz. Pero sino nga ba si Agatha Tapan?

Si Agatha ay isa sa mga child star na sumikat noong dekada 90 dahil sa kaniyang angking galing sa larangan ng pag-arte.

Kasama siya sa isang sa pinakamatagumpay na TV series ng ABS-CBN na Mara Clara na halos umabot ng apat na  taon at anim na buwan. Nakasama niya noon ang premyadong mga aktres na sina Judy Ann Santos Agoncillo at Gladys Reyes. Ginanapan niya ang papel ng batang si Denise.

Sa seryeng ito nakita ang husay ni Agatha sa pag-arte at naging daan para sumikat pa siya sa showbiz.

Napabilang din siya sa ilang mga pelikula at palabas gaya ng Trudis Liit, Mr. Barumbado, at Once Upon a Time. Dahil dito, naging mausbong ang showbiz career niya.

Pero matapos lamang ito, biglang nawala sa larangan ng showbiz si Agatha na ikinagulat ng kaniyang mga kasamahan. Hindi naman niliwanag ang tunay na dahilan ng kaniyang pag-alis ngunit ipinagpapalagay na ito ay para maipagpatuloy ang kaniyang pag-aaral.

Pero nasaan na nga ba si Agatha matapos ang ilang taon?

Sinabi ng Philippine Entertainment Portal na aktibo si Agatha sa kaniyang socmed at na naka-public ito para sa kaniyang mga followers. Doon masusubaybayan ang buhay ni Agatha na malayo sa mundo ng showbiz.

Nakapagtapos ng kolehiyo si Agatha sa De La Salle University Dasmariñas sa kursong AB Communication.

Isa na rin siyang Business Development Analyst sa ANC. Nagtatrabaho din siya bilang FWD Financial Wealth Planner.

May sariling pamilya na rin ang batang child star. Ikinasal siya ng taong 2015 kay Rommel Galiza at biniyayaan na rin sila ng isang anak na babae.

Makikita naman sa kaniyang socmed na masaya si Agatha sa kaniyang simpleng buhay kasama ang kaniyang pamilya.