Isang Ina, Nakita At Nakapiling Muli Ang Namayapang Anak Sa Pamamagitan Ng VR

Totoong nakapiling uli ni Jang Ji-Sung si Nayeon at salamat sa ating teknolohiya.

Siya si Jang Ji-Sung nakatira sa South Korea. Taong 2016 ng bawian ng buhay ang anak ni Jang Ji-Sung na si Nayeon na pitong taong gulang pa lamang dahil sa isang malubha at walang lunas na sakit.

Lumipas ang tatlong taon ay dumating ang tsansang magkita ulit sila. Posible nga ba? 

Sa panahon ngayon na teknolohiya ang mabilis na umuunlad ay wala talagang imposible sa mundong ito. 

Oo, totoong nakapiling uli ni Jang Ji-Sung si Nayeon at salamat sa ating teknolohiya. Sa pamamagita  ng VR o Virtual Reality ay nakita at nakasalamuha ulit ni Jang Ji-Sung si Nayeon.

Makikita sa video na nakasuot si Ji-Sung ng isang VR at kaharap niya ang isang virtual na imahe ng anak niya na parang totoo. Umiiyak si Ji-Sung habang kinakausap ang anak niya.

Sa bawat sambit nya ng “Miss na kita anak “ ay talaga mararamdaman mo ang sakit na dulot ng pagkamatay ni Nayeon. Gusto niyang hawakan at yakapin ang kanyang anak ngunit hanggang Virtual na lang. 

Ang pagtatagpong ito ay ginawan ng isang dokumentaryo sa Korea na may pamagat na “I MET YOU “ na siya namang isinapubliko ng Munhwa Broadcasting Corporation at ito din ay maaari ng mapanuod sa Youtube. 

Matapos ang nakakaiyak na pagtatagpo ay ito ang nasabi ni Ji-Sung, 

“Maybe it’s a real paradise, I met Nayeon, who called me with a smile, for a very short time, but it’s a very happy time. I think I’ve had the dream I’ve always wanted.”

Ang buhay natin ay hiram lamang. Mawala man ito sa atin maaga man ay wala na tayong magagawa kundi tanggapin ang realidad.

Si Nayeon ay nasa lugar na kung saan ay hindi na siya kailanman masasaktan at walang kalungkuta. Tiyak na nakatulong ang teknolohiya sa pagkamiss ni Ji-Sung sa kanyang anak.