Kasal Ang Kinahantungan Dahil Sa Isang Simpleng 'Wave' Lang

Nagkakilala ang dalawa sa isang application na Messenger noong December 6,2017.

Ang teknolohiya natin sa ngayon ay talaga namang hindi maawat sa paglago. Isa na dito ang pamamaraan ng ating pakikipagkomunikasyon sa mga mahal natin sa buhay.

Noong unang panahon ay pagpapadala ng sulat na ginamitan ng papel at lapis ang pamamaraan upang makumusta natin sila, ngayon ay isang pindot na lang sa ating mga gadget ay instant communication na agad ang hatid nito lalo na sa mga malalayo nating kamag-anak. 

Trending ngayon ang isang magkasintahan na ito dahil sa kanilang love story. Ang babae na nasa larawan ay si Kate Garcia-Axalan at ang lalaki ay si Gian Carlo Axalan. Shineyr ni Kate kung pano sila nagkakilala ni Gian bago sila nagpakasal. 

Nagkakilala ang dalawa sa isang application na Messenger noong December 6,2017. Nagsent ng isang “wave “ si Gian kay Kate dahil lumitaw ang larawan ni Kate sa kanyang newsfeed.

Walang patumpik tumpik ay nakipagkilala siya kay Kate through messenger. Open naman si Kate at nagkaigihan silang dalawa sa isa't-isa. 

Nang magkapalagayan ay naging opisyal sila bilang isang magkasintahan. Nagmeet sila ng isang beses at matapos nun ay dalawang taon silang naging LDR o Long Distance Relationship.

Ang pangalawang beses ng kanilang pagkikita ay nagpropose na si Gian kay Kate na napasagot naman ng isang matamis na  “YES “ sa proposal ni Gian. Nagpakasal sila ng December 6 dahil espesyal ang petsa na iyon para sa kanila at ngayon ay masaya sila bilang isang mag-asawa.

Madami ang natuwa sa love story ng dalawa. May ilan naman na nagshare ng memes at narito ang caption, “ Sa wave din kami nagsimula e. Pero nagwakas kami sa “You can't reply to this conversation. “ Madami ang natawa sa comment na ito. 

Sa panahon talaga ngayon hindi na uso o hindi importante ang haba ng isang relasyon bago magpakasal bagkus ito ay nakadepende sa magkasintahan kung handa na sila na magcommit sa isa't-isa at humarap sa bagong simula bilang mag-asawa.