Kinuha ni Elloraine na yaya ng kaniyang anak si Maria Salvacion ngunit makalipas ng ilang buwan ay nadiskubre nyang mayroong bawal na relasyon ang dalawa.
Kinuha ni Elloraine na yaya ng kaniyang anak si Maria Salvacion ngunit makalipas ng ilang buwan ay nadiskubre nyang mayroong bawal na relasyon ang dalawa.
Ayon kay Elloraine, ang kaniyang asawa at si Maria Salvacion o tinatawag ding 'Salve' ay kasalukuyan ngayong nagsasama at naninirahan sa kanilang tirahan sa Canada.
Sinabi din niya na kaya siya nandito sa Pilipinas ay matapos niyang malaman ang affair ni Brighton at ni Salve, malakas pa ang loob ng dalawa na ipagpatuloy ang kanilang relasyon dahil sinabi ng mga ito na walang kaso ang adu1tery at wala din magagawa si Elloraine para mapauwi ng bansa si Salve.
Pagbabahagi ni Elloraine nakilala niya si Salve dahil schoolmate niya ito sa Adamson at sabay din silang nakapagtapos. Matapos nito, nagpatuloy pa rin ang friendship nila at ito ay umabot ng 10 years.
Ayon din sa kaniya na nagpunta siya ng Canada noong 2012, nagtrabaho at doon niya nakilala si Brighton. Sila ay nagpakasal sa Canada noong 2014 at nagkaroon ng anak.
Ayon kay Elloraine, nagsimula niyang mapansin ang pagkakaroon ng affair ng kaniyang asawa at dating kaibigan matapos maging bugnutin at mainitin ang ulo ni Brighton sa kaniya matapos nilang bumisita sa Samar, kung saan naninirahan si Salve.
Aniya pa, nakakapag-usap ang dalawa sa pamamagitan ng kanilang socmed accounts na naging dahilan kung bakit mas naging malapit si Salve at si Brighton sa isa't isa.
Dagdag din ni Elloraine, noong bumalik ng Canada si Salve noong December 5, sinundo ito ng kaniyang asawa at hindi sila sinama ng kaniyang anak. Sinabi niya na nalaman niya ang relasyon ng dalawa nang tignan niya ang cellphone ng kaniyang mister kung saan nabasa niya ang sweet messages at ilang mga nude pictures ni Salve at ng kanyang asawa sa isa't isa.
Nakausap naman ni idol Raffy ang kapatid ni Salve na si Mary Rose Masayon kung saan sinabi nito na nanghingi lamang ng sorry ang kaniyang kapatid at matapos noon ay hindi na sila nito kinakausap. Dagdag pa niya na hindi nila kinukunsinti ang maling nagawa ni Salve.
Nagbigay din ng mensahe si Mary Rose sa kaniyang kapatid na sana ay umuwi na ito ng bansa upang maayos ang gulo at makapag usap sila ni Elloraine.
Matapos nito, sinabi ni idol Raffy na sa ngayon ay wala pang magagawang aksyon ukol sa inirereklamo ni Elloraine dahil si Salve ay hindi isang OFW samantalang si Elloraine at Brighton ay kasal sa Canada at hindi sa Pilipinas.
Gayunpaman, sinabi ni idol Raffy na maaaring pumunta si Elloraine sa Canadian immigration para ireklamo at isuplong ang ginawa ni Salve. Dagdag din ni Raffy Tulfo na tutulungan nila si Elloraine sa mga papeles o mga dokumentasyon na kailangan niya upang masuplong si Salve.
Panoorin ang kabuuang video:
COMMENTS