Heart Evangelista, Ipinakita Ang Nakakalulang Koleksyon Niya Ng Mamahaling Alahas

Sa kaniyang vlog na Jewelry 101 Featuring Royal Gem, ibinahagi ni Heart ang ilan sa kaniyang mga alahas at inilahad ang kani-kanilang istorya ng mga ito.

"Naninilaw tayo ah!", kadalasang bati natin sa ating mga kaibigan at kakilala na halos kumpleto ang suot na alahas sa katawan, mula ulo hanggang paa.

Karaniwan na ang hikaw, singsing, kwintas, bracelet at iba pa. Ang iba nga, nagpalagay pa ng ginto sa kanilang mga ngipin bilang sign of royalty. At kapag nakita natin ito, talaga namang kumikinang ito at kaakit akit na tignan.

Pang-mayaman ang datingan kapag may suot na makakapal at gintong mga alahas. Kung ang ilan nating mga kababayan ay mayroong ganitong kayamanan, lalo pa ang sikat na mga personalidad at ibang nakikita natin sa showbiz.

Isa sa kanila ay ang napakayamang si Love Marie Payawal Ongpauco-Escudero o mas kilala bilang si Heart Evangelista.

Sa kaniyang vlog na Jewelry 101 Featuring Royal Gem, ibinahagi ni Heart ang ilan sa kaniyang mga alahas at inilahad ang kani-kanilang istorya ng mga ito.

Ipinakita niya ang kaniyang koleksyon ng mga White Gold Stud Earrings, Yellow Gold Hoop Earrings, Two-toned Dia Cut Hoop Earrings, Tru Radiance Diamond Stud Earrings, White South Sea Pearl Stud Earrings, Golden South Sea Pearl Dangling Earrings, Tauco Gold Chain Rings, at Italian or Saudi Gold Rings.

Sinabi ni Hearts sa kaniyang vlog na isa sa mga bagay na hindi niya kayang mawala sa buhay niya ay ang mga alahas.

Ini-express din niya ang kaniyang sarili sa pamamagitan ng mga ito kaya naman ibinahagi niya ito sa kaniyang mga fans. Ipinaliwanag din ni Heart sa kaniyang vlog kung paano ito isuot at ang pag-style sa iba't ibang uri ng mga alahas.

Idinagdag pa niya na kung isusuot mo ang iyong alahas ng may confidence, magugustuhan mo ito at talagang babagay sa iyo anupat magiging bahagi na din ito ng iyong personalidad.

Iba iba naman ang reaksyon ng mga fans sa vlog ni Heart. Mapapanood naman ang kaniyang vlog sa YouTube.