Sa kasalukuyan, walong taon nang magkasintahan sina Jhong at kaniyang GF
Marami ang nagugulat kapag nababalitaan nila na masyadong malaki ang agwat ng magkasintahan. Ganiyan ang sitwasyon nila Jhong Hilario at ng kaniyang girlfriend.
Si Jhong Hilario ay 43 taong gulang na at halos 15 taon ang agwat ng edad niya sa kaniyang girlfriend. Ngunit hadlang ba ang ganito kalaking agwat ng edad para magkaproblema silang dalawa?
Si Jhong Hilario, na Virgilio Viernes Hilario Jr. sa tunay na buhay, ay isa sa mga main host ng noontime show na 'It's Showtime".
Nakilala din siya sa husay niya sa pagsasayaw at miyembro siya ng sikat na dance group na Street Boys. Lumabas din siya sa mga pelikula gaya ng Muro Ami (1999), D' Anothers, (2005) at Dekada '70 (2002).
Sa kaniya namang personal na buhay, taong 2011 ng maghiwalay sila ng kaniyang dating asawa na si Michelle Westgate. Pero hindi naman dito natapos ang kuwento ng buhay pag-ibig bi Jhong.
Nakilala naman niya Maia Azores na sa kalaunan ay naging kasintahan din niya. Marami ang nag-react sa balitang ito dahil sa napakalaking agwat sa edad nila na halos 15 taon.
Bagaman marami ang napataas kilay dahil sa isyung ito, tila hindi naman nagpaapekto ang dalawa sa sinasabi ng maraming tao. Makikita sa mga larawan na ibinabahagi nila sa kani-kanilang mga social media account na masaya sila sa piling ng isa't isa.
Naging goal din nilang magkasintahan na mag-travel sa iba't-ibang mga lugar sa Pilipinas at sa ibang bansa. Nito lamang nakaraan, nagpunta sila sa Paris, France kung saan nagbitaw naman ng mensahe ang GF ni Jhong para sa kaniya.
Sinabi niya sa kaniyang mensahe na masaya siyang makasama ang first ever boyfriend niya at nasasabik siyang gumawa pa ng mga ala-ala kasama siya. Ito rin ang ika-7 taon ng kanilang pagsasama kaya naman naging special ang pagpunta nila roon.
Sa kasalukuyan, walong taon nang magkasintahan sina Jhong at kaniyang GF, patuloy na tumitibay ang kanilang pagsasama at pinapatinayang "age doesn't matter."
COMMENTS