Marami sa mga netizens ang natuwa sa post ni Cascato .
Hindi naman na bago sa atin na ang mga nanay o tinatawag na ilaw ng tahanan ang siyang gumagawa ng halos lahat ng gawaing bahay sa isang tahanan.
Ang pag-aasikaso din ng mga gawaing bahay ay isa sa mga bagay na tila walang katapusang gawain. Kahit pa man simple kung titignan natin ang mga gawaing bahay katulad ng pagsasaing, pagluluto ng ulam, pag-uurong, pagwawalis, pamamalantsa, at paglalaba, ito ay isa pa rin sa mga mahirap at nakakapagod na gawain.
Ang paglalaba naman ay isa sa mga nakakapagod at mahirap na gawain dahil kinakailangan pang ibabad ang mga damit, kusutin, at paikutin sa washing machine at syempre kinakailangan din nitong mabanlawan ng higit pa sa dalawang beses upang masigurado na wala ng sabon ang natitira sa mga damit na ito.
Pagkatapos naman ng mahabang proseso na ito, kinakailangan naman ng mga ina na isampay ang mga damit habang ang iba naman ay isinasalang muna ito sa dryer bago ito isampay. Makalipas naman ang ilang oras, kinakailangan ng kuhanin ito ng mga nanay at tupiin upang masiguro na ito ay maayos bago ilagay sa cabinet o drawer.
Kaya naman kamakailan lamang ay isang post ng netizen na si Marvien Cascato ang kumalat sa socmed noong August 13.
Marami sa mga netizens ang natuwa sa post ni Cascato dahil sa kaniyang ginawang paglalagay ng pera sa bulsa ng kaniyang pantalon na madali namang makikita ng kaniyang misis tuwing ito ay maglalaba.
Nilalagyan niya ang kaniyang bulsa ng halagang 550 pesos para na rin ito ay ganahan sa paglalaba.
Marami naman sa ating mga netizens ang natuwa at hinangaan si Cascato dahil sa kaniyang ipinakita kung paano niya pinapahalagahan ang pag-aalaga at pag-aasikaso ng kaniyang misis sa kanilang pamilya kaya naman naisipan niyang mag-iwan ng pang meriende para dito.
COMMENTS