Fumiya Sankai, ibinahagi Ang Totoong Estado Ng Kanyang Kalusugan

Isa si Fumiya sa mga masiyahing naging housemate ni Kuya na talaga namang kinagiliwan ng lahat ng manonood.

Isa sa mga sikat at kilalang Japanese Vlogger ngayon sa Pilipinas si Fumiya Sankai matapos nitong sumali at maging official housemate ng reality show ng ABS-CBN na Pinoy Big Brother. Siya ay nakilala at nagustuhan ng marami dahil sa nakakatuwang personality nito.

Isa si Fumiya  sa mga masiyahing naging housemate ni Kuya na talaga namang kinagiliwan ng lahat ng manonood.

Ang 24 taong gulang na Japanese Vlogger ay isa rin sa mga hinahangaan ng publiko dahil sa pagiging palakaibigan nito, pagkakaroon ng positibong tingin sa buhay, pagkakaroon ng malakas na sense of humor, pagiging isa sa mga maasahan sa loob ng bahay ni Kuya, at higit sa lahat ang kaniyang pagmamahal sa kulturang Pilipino na isa sa mga hingaan sa kaniya ng mga manonood.

Ngunit kamakailan lamang ay marami ang nagulat at nalungkot ng malaman na may sakit si Fumiya at kailangan nitong dumaan sa isang operasyon.

Sa YouTube channel ni Fumiya kaniyang ibinahagi noong Martes, December 10, na mayroong butas sa kanang bahagi ng kaniyang baga.

Ipinakita din ni Fumiya ang kaniyang kasalukuyang kondisyon sa maikling video kung saan siya ay nasa isang hospital bed sa Japan at mayroon ding makikitang tube na nakakonekta sa kaniyang katawa.

Sinabi din nito na mayroong nasa 22cm na tube ang nakapasok sa kaniyang katawan. Dahil sa haba nito, may pagkakataon na ito na ay tumatama sa kaniyang likuran kung saan ito ay napakasakit.

Sinabi pa nito na nahihirapan din siyang gumalaw dahil dito. Makikita din naman sa mukha ni Fumiya na siya ay talagang nahihirapan at nasasaktan dahil dito.

Pinaliwanag ni Fumiya na ang kaniyang mga doctor ay kinakailangan gupitan ang kaniyang baga para matanggal ang butas na nadiskubre nila dito. Inamin din ni Fumiya na siya ay talagang kinakabahan sa operasyon, ngunit kailangan niyang maging malakas dahil ito ay kailangan niya para siya ay gumaling.

Maliban naman sa kanang bahagi ng kaniyang baga, maaari ding maoperahan ang kaliwang bahagi nito dahil may posibilidad din na ito ay may butas.

Sinigurado naman niya sa kaniyang mga followes at fans na kaniyang gagawin ang lahat ng kaniyang makakaya kapag siya ay nasa operasyon na.