Dimples Romana, Napaiyak Nang Mapag-Usapan Ang Mister

Ibinahagi ni Dimples ang naging karanasan nilang mag-asawa.

Sa isang interview Kay Dimples Romana sa Talk Show na Tonight with Boy Abunda, kinamusta ni Boy si Boyet na asawa ni Dimples. Dahil sa isang insidente, muktik nang mamatay   kaniyang asawa.

Ibinahagi ni Dimples ang naging karanasan nilang mag-asawa. Si Boyet ay may tinatawag na sleep apnea, isang kondisyon kung saan tumitigil ang puso sa pagtibok kapag humihilik siya.

Sinabi ni Dimples napapansin niya na kapag humihilik ang kaniyang asawa, bigla na lang itong humihinto at matagal bago muli nito mabawi ang kaniyang paghinga. Kaya naman napagpasiyahan nilang ipaopera ang nasal passage ng kaniyang asawa.

Pagkatapos ng operasyon, naging matagumpay naman ito ngunit pinayuhan na mag-soft diet muna. Gayunpaman, makalipas ang isang linggo, hindi na napigilan ni Boyet ang kaniyang gutom anupat kumain siya ng miswa na may giniling at anim na slice bread. Nang madaling araw, sumuka ng napakaraming dugo si Boyet dahil sobrang nagasgasan ang lalamunan niya. Hindi tumitigil ang pagdurugo ng kaniyang lalamunan kaya naman dali-dali ay sumailalim muli siya sa isa pang operasyon na nangangailangan ng pagsasalin ng dugo.

Dito nadama ni Dimples ang matinding takot sa kamatayan. Namaty na ang kapatid at tatay niya, kaya naman nasabi niya na hindi niya kayang mawala ang kaniyang asawa. Natakot pa siya ng sabihin ng kaniyang asawa na hindi niya siya makita samantalang nasa harap niya lamang siya.

Nasabi ni Dimples na madami ang blessing na natanggap niya at baka may kapalit, ang buhay nang asawa niya. Saka niya napag-isipang mabuti na kaya niyang mabuhay kahiy walang pera, pero kung mawala ang asawa niya, hindi niya iyon kakayanin. Pinatunayan iyan ni Dimples anupat hindi niya iniwan and kaniyang asawang si Boyet habang nasa bingit ito ng kamatayan.

Matapos ang ikalawang operasyon, naging matagumpay naman ito. Sinabi naman ni Dimples ang bagong habit ng kaniyang asawa, ang pagsasabi niya na mahal na mahal niya ito. Gayundin naman si Dimples.

Hinimok din naman ni Dimples at ni Boy Abunda ang audience na magpakita din naman ng pagmamahal sa kanilang mahal sa buhay bago pa mahuli ang lahat.