Isang babae na magpapadama sa kaniya na kumpleto siya at hindi na mag-iisa pa.
"Kasama kang tumanda", isang awitin na malapit sa puso ng mga taong nagmamahal at minamahal, isang awitin ng habambuhay na pagmamahal. Pero paano naman ang mga single, makakanta pa kaya nila ang awiting ito o mananatili na lang silang single habambuhay?
Si Willie Revillame, ang kilalang host ng ng sikat na sikat ng TV show na Wowowin, ay nagnanais na magkaroon ng kaniyang makakasama sa kaniyang pagtanda. Kaya naman sa kaniyang TV show, may bagong pakulo sila para matugunan ang pangangailangan ng malungkot na host.
Sa bagong segment na ito na pinamagatang "Will you date me?", inanyayahan ng mayamang Host ang mga kababaihan na edad 18 hanggang 40, walang anak, o hindi pa nakapag-aasawa na mag-apply bilang kaniyang "Real Life Partner."
Sa edad na mag-a-animnapu, ang masiyahing host na si Willie Revillame, ay nagpahayag ng kaniyang nadaramang kalungkutan sa kabila ng kaniyang matagumpay na career at natamong kayamanan.
Sa Wowowin na ibinahagi niya sa kaniyang mga manonood ang kaniyang kalungkutan na dulot ng pag-iisa sa tahanan, sa pagkain, at sa iba pang parte ng kaniyang buhay. Sa kabila ng lahat ng bagay na taglay niya, naramdaman niya na may kulang pa.
Isang babae na magpapadama sa kaniya na kumpleto siya at hindi na mag-iisa pa. Kaya naman, sa bagong segment niya, umaasa si Willie Revillame na makilala na ang kaniyang "The One."
Ikaw ba ay isang dalaga, malungkot at nag-iisa, at na naghahanap din ng makakasama sa pagtanda? O baka naman may kakilala ka na naghahanap din ng isang "Willie Revillame" sa kaniyang buhay Maaaring ito na ang pagkakataon mo.
Saan mang panig ng Pilipinas o saan man sa mundo, handa si Willie Revillame na makilala ka. Handa ka rin bang makilala siya at makasama siyang tumanda? Malay mo, baka sa susunod na pagkakataon, sabay na ninyong awitin ang kaniyang sikat na awiting, "Ikaw na nga."
COMMENTS