Pinag-uusapan ng marami sa atin ngayon ang in-upload ng Kapamilya star na si Ryza Cenon sa kaniyang Instagram account.
Pinag-uusapan ng marami sa atin ngayon ang in-upload ng Kapamilya star na si Ryza Cenon sa kaniyang Instagram account. Ito ay ang kaniyang litrato kung saan ipinakita niya ang isang singsing na nakasuot sa kaniyang daliri.
Ngunit, ang kumikinang at magandang singsing na nakasuot sa kaniyang kamay ay hindi para sa kaniyang engagement announcement na maaaring iniisip ng ibang netizens.
Ayon sa kaniyang Instagram post ngayong Sabado, November 23, sinabi niya na ang singsing na kaniya pang ipinagawa ay isa sa kaniyang paraan na magsabi ng 'yes' sa kaniyang sarili dahil nais niyang mas mabigyan pa ng kaniyang sarili ng oras upang mas mahalin pa ang kaniyang sarili bago niya ibigay ang kaniyang buong puso at pagmamahal sa tamang tao na darating sa kaniya sa hinaharap.
Aniya,
“I said YES! to give my full commitment to love myself before I give my heart to a person.”
Sinabi din niya sa caption ng kaniyang Instagram post na ilalagay niya ang singsing sa kabilang kamay kapag dumating na ang tamang tao na magmamahal at magiging tapat sa kaniya habang buhay. Dagdag pa niya na tatanggapin niya ng buong puso ang singsing na ibibigay ng tamang tao para sa kaniya at ilalagay niya ito sa kamay kung saan ito nararapat.
“And when the right one comes, I’ll transfer this ring to my other hand and accept the right one to the perfect hand. I’m engaged with myself. #selflovering #selfpartnered”
Binansagan din ng Kapamilya aktres ang singsing bilang isang "self-love ring."
Ang salitang "Self-partnered" ay ang salitang ginamit ng British aktres na si Emma Watson upang ilarawan ang pagiging isang single.
Ang band na mayroon ang singsing ay gawa sa ginto na mayroong tila isang round-cut diamond at isang crescent sa itaas nito. Makikita din sa makinang na bato na ginamit sa singsing ay mayroong nakaukit sa isang gold plate ng pangalang "Ryza".
Nito lamang Pebrero, kinumpira ni Ryza Cenon na siya at ang kaniyang long-term boyfriend na si Pocholo Barretto ay hiwalay na.
Sa ngayon, tila mukhang ine-enjoy muna ni Ryza kung ano man ang meron siya sa kaniyang buhay na kaniya namang sinabi sa kaniyang Instagram post kahapon, November 22, tungkol sa pagtitiwala at pagtityaga sa mga bagay bagay.
“I believe that a trusting attitude and a patient attitude go hand in hand. You see, when you let go and learn to trust God, it releases joy in your life.”
COMMENTS