Kamakailan lamang ay nagbigay ng pahayag si Neri Miranda sa isang netizen na nagpadala ng mensahe sa kaniya.
Kamakailan lamang ay nagbigay ng pahayag si Neri Miranda sa isang netizen na nagpadala ng mensahe sa kaniya, sinasabi nito na nakita niya diumano ang asawa ni Neri na si Chito Miranda na nakikipag-make out umano sa model na si Bubbles Paraiso.
Ayon sa mensaheng ipinadala ng netizen kay Neri,
"Saw your husband last night making out with Bubbles. Although in my mind I know they are very very close friend. And naisip pumunta to check your husband IG. May post pala siya about Bubbles congratulating her. And napaisip tuloy ako lalo. Good luck po and God bless."
Gamit naman ang Instagram account ni Neri kung saan tinag niya pa si Chito at Bubbles at sinagot ang mensahe na ipinadala sa kaniya ng netizen noong Sabado.
Aniya,
"May kailangan ba kayong i-explain sa akin? @chitomirandajr @bubblesparaiso Hahaha! Tawang tawa talaga ako dito!"
Sinabi din ni Neri na hindi porket maganda at s3xy si Bubbles at Angel Locsin ay hindi na sila maaaring maging kaibigan ng kaniyang asawa.
Saad niya,
"Kasalanan ba nila Angel at Bubbles na magaganda at s3xy sila? Bawal na magkaroon ng best friend na lalaki? Pagbabawalan ko na ba? Hehe!"
Nilinaw din ni Neri na kailanman ay hindi niya nilagyan ng malisya o di kaya ay pag-iisip ng masama sa pagiging malapit ng kaniyang asawa kay Bubbles at Angel.
Pagpapatuloy niya,
"Kung alam lang din ng mga tao kung paano nila asarin si Chito! Pero seriously, magkaibigan po talaga sila at never kong pinagbawalan si Chito maki-hang out sa kanila o kahit kaninong tao mapababae man o lalaki, ok lang sa akin."
Sinabi din niya na hindi naman siya dapat maging strikto at pagbawalan ang kaniyang asawa sa mga gusto nitong samahan, babae man o lalaki, dahil alam niya kung gaano siya kamahal at katapat ang kaniyang asawa sa kaniya.
Aniya,
"Why? Bakit ko kailangan siyang paghigpitan? Ang tao kung gusto niyang magloko, magloloko yan kahit ano pang bantay ang gagawin mo. Saka secure ako sa pagmamahal ng asawa ko."
"Kung dati ngang bf/gf palang kami, NEVER ko siyang pinagbawalan, mas lalo ngayong mag asawa na kami. Saka secure din ako sa sarili ko."
Sinabi din ni Neri na hindi niya talaga gusto ang paglabas labas o pag-gigimik kahit noong siya ay single pa at mas lalo ngayon na mayroon na siyang anak.
Saad pa ni Neri na gustong gusto din niya si Angel at Bubbles dahil sa kabutihan ng puso meron ang mga ito,
"Kasi mabait talaga silang tao, hindi lang kay Chito, pati sa amin na rin ni Miggy. Pati na rin si Neil, lagi nila inaalala kami ni Miggy."
Sa dulo ng kaniyang Instagram post, sinabi niya na mayroon siyang panibagong vlog na ilalabas na tatalakay sa panloloko na nangyayari sa isang relasyon.
Saad ni Neri,
"Gumawa pala ako ng vlog about sa pagchi-cheat ng lalaki, hehe! Featuring Chito syempre. Post ko soon after ma-edit. Pero maganda rin etong topic na may mga close friends o best friends na mga babae ang bf o asawa mo. Paano mo malalaman na magkaibigan lang talaga sila."
COMMENTS