Tumalon Si Manong Sa Napakataas Na Tulay Para Maisalba Ang Tape Measure Na Bigay Ng Kanyang Asawa

Tape Measure

Ang ilang bagay na maaring ordinaryo at walang halagang tignan para sa iba, ay talagang nakakatuwa para sa iba dahil sa mga alaala na nakakabit dito.

Ang isang blacksmith, 41 na taong gulang na nagmula sa Chonburi, Thailand ay walang pag aatubili na tumalon sa dagat upang maisalba ang tape measure na ibinigay sa kanya ng kaniyang asawa bago ito mamatay.

Batay sa isang scomed post, ang lalaki ay naglalakad sa bagong tulay sa ibabaw ng dagat na puro putik. Siguro ay nailabas niya ang kaniyang tape measure habang naglalakad sa tulay ng ito ay biglang dumulas sa kaniyang kamay at nahulog sa maputik na tubig sa ibaba.

Ngayon, siguro para sa karmihan, ito ay kanila na lamang papabayaan dahil ito lamang ay mura at nagkakahalaga ng 350 baht o RM47, ngunit hindi para sa lalaking ito. Walang pag aatubili niyang hinarap ang kakahinatnan niya, siya ay tumalon sa maputik na tubig dahil gusto niyang maisalba ang tape measure.

Gayunpaman, ang putik ay malalim para siya ay umakyat muli at napilitang manatili sa tubig para humingi ng tulong. Mabuti na lamang mayroong isa lalaki na naglalakad doon at nakita ang sombrero ng blacksmith at ang kaniyang sapatos.

And lalaki ay mabilis na tumingin sa ibaba at nakita ang lalaki na nasa tubig kung saan mabilis din niyang tinawagan ang mga otoridad upang ipaalam na mayroong isang lalaki ang nahulog sa dagat.

Pumunta sila upang sagipin ang lalaki gamit ang lubid upang hilahin ito pataas at ang buong proseso ay inabot ng 40 minuto bago makuha ang lalaki. Nang siya ay tanungin, sinabi ng blacksmith na ang tape measure ay sobrang mahalaga sa kaniya at hindi na niya inisip ang taas o kung gaano ka delikado upang siya ay tumalon doon dahil ito ay bigay ng kaniyang asawa bago ito mamatay.