Beautiful Girl, Thylane Blondeau,
Kilala niyo ba sino ang pinakamagandang babae sa mundo? Siya ay walang iba kung hindi si Thylane Blondeau, isang French model na may edad 17 anyos.
Disyembre ng taong 2018, inilabas ng TC Candler and kanilang taunang listahan ng mga pinakamamagandang mukha sa mundo.
Sa tinatawag na “Independent Critics List of the 100 Most Beautiful Faces of 2018”, nakuha ng batang modelo ang unang pwesto.
Pero alam niyo ba na hindi ito ang unang beses na siya ay itinanghal na pinakamagandang babae sa balat ng lupa?
Taong 2007 unang nakasama si Thylane Blondeau sa listahan na ito bilang number 1. Siya ay anim na taong gulang pa lamang.
Sino nga ba si Thylan Blondeau?
Siya ay anak ng kilalang football player na si Patrick Blondeau at French actress na si Veronika Loubry.
Maagang nasabak sa industriya ng pagmomodelo si Thylane. Sa edad na 4 na taong gulang, siya ay unang nasabak sa isang fashion show ng kilalang French designer na si Jean Paul Gaultier.
Ang kanya namang unang photoshoot ay kasama si Dani Brubaker, isang kilalang photographer sa larangan ng modelling at advertisement.
Sa batang edad na 10, nailathala ang kanyang larawan sa sikat na magazine na Vogue Paris supplement Vogue Enfants. Umani ng kontrobersiya ang kanyang mga larawan dahil siya ay binihisan ng kasuotan na hindi angkop sa kanyang edad at nilagyan ng makapal na make-up. Ayon sa sa mga kritiko, ito ay maituturing na ‘over sexualization’.
Patuloy ang paglago ng kanyang karera sa pagmomodelo at nang siya ay 13 taong gulang, muli siyang nafeature sa isang magazine, ang Jalouse.
Sa edad na 14 ay pumirma siya ng kontrata sa isang modelling agency, ang pamosong IMG Models. Sa parehong taon ay nakasali siya sa fashion show ng sikat na brand na Dolce and Gabana.
Naging brand ambassador siya ng L’oreal Paris taong 2017. At nakasama niya ang ibang mga artista at personalidad kagaya ni Zendaya, Lucky Blue Smith at Presley Gerber sa isang campaign ad para sa spring/summer collection ng Dolce and Gabana.
Siya ay isa na ring fashion designer at may sarili na siyang fashion line, ang Heaven May, sinimulan niya ito nitong 2018.
COMMENTS