Celebrity Resorts
Ang bawat tao ay nangangarap ng bakasyon o panahong makapag relaks o maaliw paminsan minsan. Sa kabila ng kaguluhan o polusyon ng mga siyudad sa Maynila, wala na sigurong mas sasarap pa sa pakiramdam na makapag relaks habang nag mamaneho papalayo sa ingay ng Maynila patungo sa nagagandahang dalampasigan o beach resort.
Kaya naman nakakaingit mang isipin pero nakaka aliw ding makita ang mga kilalang tao na nagmamay ari ng napakagagandang lugar pahingahan. Kapag kailangan nila ng pahinga mula sa buhay ng lungsod, sila ay nagtutungo sa kanilang mga tirahan na malapit sa dalampasigan.
Narito ang ilan sa kanila na nagmamay-ari ng mga sikat na beach resort sa bansa:
Enrique Gil
Binili ng batang artista ang kanyang limang palapag na beach house sa Anilao, Batangas, noong 2016. Ibinahagi ni Gil na ang kanyang ina, si Nanay Bambi, ay ang unang nakakita sa lugar noong ito ay nagkaroon ng “outing” sa kumpanya sampung taon nang nakalipas.
Ang kanyang ding Ina ang naging responsable sa pagdidisenyo at sa pagbibigay istilo sa panloob ng bahay mag mula noong magawa na ito. Ang kanyang pagaari, ayon sa aktor, ay tumagal ng hindi bababa sa isang taon at kalahati para ito ay makumpleto.
Manny at Jinkee Pacquiao
Ang "happy place" ni Jinkee Pacquiao ay isang piraso ng paraiso sa Glan, Saranggani. Ginawa niya ang kanyang ika-40 kaarawan sa resort na ito noong Enero 12.
Si Jinkee at ang kanyang asawang si Senador Manny Pacquiao, ay nagmamay-ari din ng mga beach properties sa General Santos City at sa Boracay. Nabalita din na minsang pinahintulutan ni Manny na magamit ang paraisong ito bilang lugar ng kasal ng isa sa kanilang mga pamangkin.
Erich Gonzales
Noong 2010, nabalita na si Erich ay namuhunan sa isang rest house at isang bukid sa Samal Island sa Davao. Pagkalipas ng pitong taon, ang bahay na mansyon ay napapalibutan ng maraming mga puno ng palma at sinasabing nagkalat ang mga punong ito sa loob ng ilang metro sa harap ng baybayin.
Wala pang media outlet ang nakakapasok sa loob ng malaking bahay ni Erich ngunit sa mga larawang iyon, walang alinlangan na talagang maganda ang kanyang palasyo. Ang marangyang mansion ni Erich ay isang produkto ng kanyang sipag at tyaga sa kanyang pagaartista mula pa noong 2005 hanggang sa kasalukuyan.
Sam Pinto
Kung nagtataka ka kung ano ang nangyari sa aktres na si Sam Pinto, napagpasyahan niyang iwanan ang “glitz at glamor” ng showbiz kapalit ng isang mas simpleng buhay sa lalawigan.
Pinamamahalaan niya ngayon ang kanyang resort na nagngangalang L'Sirene Boutique sa Baler, Aurora, isang tanyag na lugar para sa mga surfers. Ang mga interior at ang disenyo ng buong lugar ay sariling ideya ng aktres na kilala bilang simple at may pagka elegante.
Camille at John Prats
Ang kilalang magkapatid na sina Camille Prats at John Prats ay nagtayo ng resort na eksklusibo lamang para sa paggamit ng kanilang pamilya. Di nagtagal ay nagpasya silang pangalanan itong Nayomi Sanctuary Resort at binuksan sa publiko noong 2015.
Dito rin ginanap sa parehong taon ang kamangha manghang kasalan nina John Prats at ng kanyang asawang si Isabel Oli.
COMMENTS